ShQO ekologteri polıgondaǵy órtke qatysty Altaı qalasy ákimdigine tekserý júrgizdi

Qyrkúıek aıynyń basynda turǵyndar ShQO Ekologııa departamentine qala mańyndaǵy qatty turmystyq qaldyqtar polıgonynyń birneshe kún boıy janyp jatqanyna aryzdanǵan bolatyn.

Ekologtardyń tekserýi barysynda belgili bolǵandaı, Altaı qalasy ákiminiń apparaty qaldyqtardy basqarý jáne órttiń aldyn alý men barynsha azaıtý sharalaryn oryndaý barysynda ekologııalyq zańnama talaptaryn buzǵan.

- Sondaı-aq ákimdik órt shyqqany týraly departamentke der kezinde habarlamaǵan. Osyǵan baılanysty memlekettik organǵa qatysty qoldanystaǵy zańnama aıasynda tıisti sharalar qabyldandy, - dep habarlady departamenttiń baspasóz qyzmetinen.

Aıta keteıik, osyǵan deıin Alataý qoqys polıgonyndaǵy órttiń tolyqtaı sóndirilgeni týraly habarlaǵan bolatynbyz.