ShQO ekologtary kásiporyndarǵa 2,2 mlrd teńge aıyppul saldy

ÓSKEMEN. KAZINFORM – Shyǵys Qazaqstan oblysynyń ekologtary jyl basynan beri kásiporyndarǵa 2,2 mlrd teńge aıyppul saldy.

ShQO ekologııa departamenti baspasóz qyzmetiniń málimetine súıensek, búginde kásiporyndarǵa salynǵan aıyppul boıynsha tek 186,6 mln teńge tólengen.

- Al qalǵan soma, ıaǵnı 2,1 mlrd teńge áli bıýdjetke túsken joq. Sebebi, aıyppuldy óz erkimen tóleý merzimi áli aıaqtalmady. Túse salysymen aqshany óńirdiń ekologııalyq jaǵdaıyn jaqsartýǵa jumsaýdy josparlap otyrmyz, - deıdi departament basshysynyń mindetin atqarýshy Azamat Táýirbekov.

Sarapshylardyń aıtýynsha, aıyppuldy ýaqtyly óndirip alý qorshaǵan ortany qorǵaý sharalaryn jedeldete túsedi.

Oblysta barlyǵy 60 iri ónerkásiptik kásiporyn bar. Olar jyl saıyn atmosferaǵa ondaǵan myń tonna lastaýshy zattar shyǵarady. 2024 jylǵa kásiporyndar úshin shyǵaryndylardyń lımıti 76,8 myń tonna bolyp belgilengen.

Eske salsaq, osyǵan deıin Óskemende taǵy da aýa sapasy nasharlaǵanyn habarlaǵan edik.