ShQO ekologııa departamentiniń burynǵy basshysyna qatysty sot úkimi shyqty

ÓSKEMEN. KAZINFORM – Shyǵys Qazaqstan oblysy ekologııa departamentiniń burynǵy basshysy Danııar Álıev para alǵany úshin tórt jylǵa bas bostandyǵynan aıyryldy.

ShQO soty baspasóz qyzmetiniń málimetine súıensek, ekologııa departamentiniń eks-basshysy D.Álıevke, jergilikti turǵyn M.Jurqabaevqa jáne kásipker K.Dlýjevskııge qatysty sot úkimi shyqty.

- Álıev kommertsııalyq uıymǵa altyn óndirýge ekologııalyq ruqsat bergeni úshin 4,5 mln teńge kóleminde para alǵany úshin, Dlýjevskıı para bergeni úshin, al Jurqabaev arada deldal bolǵany úshin kináli dep tanyldy. Sot sheshimimen burynǵy sheneýnik 4 jylǵa, turǵyn bir jarym jylǵa bas bostandyǵynan aıyryldy. 3 jarym aıǵa túrmege qamalǵan kásipkerge 5 jyl boıy paıdaly qazbalardy barlaý jáne óndirýmen aınalysatyn kommertsııalyq uıymdarda basshylyq qyzmet atqarýǵa tyıym salynǵan. Sondaı-aq aıyptalýshylardyń barlyǵy memlekettik qyzmette jáne kvazımemlekettik sektorda qyzmet etý quqyǵynan ómir boıyna aıyryldy, - delingen aqparatta.

Sot úkimi áli zańdy kúshine engen joq.

Eske salsaq, osyǵan deıin Shyǵys Qazaqstan oblysynyń bas ekology para alý ústinde ustalǵany habarlanǵan.