ShQO dúkenderinde jaramdylyq merzimi ótken taýarlardy satý faktileri jıilep ketti

ÓSKEMEN. QazAqparat – Shyǵys Qazaqstan oblysyndaǵy saýda oryndarynda jaramdylyq merzimi ótken azyq-túlik ónimderin satý faktileri birshama jıilep ketti, dep habarlaıdy QazAqparat tilshisi.

ShQO Sanıtarlyq-epıdemıologııalyq baqylaý departamenti baspasóz qyzmetiniń málimetine súıensek, osy jyldyń alǵashqy 3 aıynda dúken sórelerinen jaramdylyq merzimi ótken ónim satýdyń 15 faktisi tirkeldi. Bul byltyrǵy kezeńdegi kórsetkishpen salystyrǵanda edáýir kóp. 2021 jyldyń 12 aıynda osyndaı 16 buzýshylyq anyqtalǵan bolatyn.

«Ónim qaýipsizdiginiń negizgi kórsetkishteriniń biri – jaramdylyq merzimi. Ónimdi tańbalaýda daıyndalǵan kúnnen óndirýshi mindetti túrde jaramdylyq merzimin kórsetýi kerek. Árbir tutynýshy jaramdylyq merzimi ótken azyq-túlik ónimderin satýǵa tyıym salynatynyn bilýi tıis. Mundaı ónimderdi tutyný onyń ómirine qaýip tóndirýi múmkin», - delingen aqparatta.

Jaramdylyq merzimi ótip ketse de satylǵan taýarlardyń ishinde shujyq, qus ónimderi, konservilengen balyq, maı, kondıterlik jáne aspazdyq ónimder, alkogolsiz sýsyndar, un jáne jarma ónimderi bar.

Osyǵan deıin ShQO-da ınvestorlar esebinen 82 kópqabatty úı salynyp jatqanyn habarlaǵan edik,