ShQO dúkenderinde adam ómirine qaýip tóndiretin ónimder satylǵan
ShQO sanıtarııalyq-epıdemıologııalyq baqylaý departamenti baspasóz qyzmetiniń málimetine súıensek, saýda oryndaryndaǵy ónimderdiń qaýipsizdigine turaqty túrde monıtorıng júrgiziledi. Osy jyldyń 6 aıynda 944 tamaq óniminiń synamasyna alynyp, tekserilgen. Onyń ishinde 144 synama (15,2%) tehnıkalyq reglamentterdiń talaptaryna sáıkes kelmeıtin bolyp shyqty. 32 synama halyqtyń ómiri men densaýlyǵy úshin qaýipti dep tanyldy. Naqty aıtqanda, 13 taýardyń jaramdylyq merzimi ótken, 4 synamanyń mıkrobıologııalyq kórsetkishterge sáıkes kelmeıtindigi anyqtaldy.
«Jaramdylyq merzimi ótken nemese mıkroorganızmder sebilgen ónimderdi tutyný ýlanýǵa ǵana ákelip soqpaı, adamnyń ómirine qaýip tóndirýi múmkin. Іrikteýge alynǵan ónimderdiń 82,6%-y (119 synama) tańbalaý talaptaryn buza otyryp satylǵan. Onda saqtaý sharttary, óndirilgen kúni, jaramdylyq merzimi týraly aqparat kórsetilmegen», - delingen departament aqparatynda.
Tamaq ónimderin saýdalaýshylar men óndirýshilerge qatysty anyqtalǵan zań buzýshylyqtardy joıý boıynsha tıisti is-sharalar júrgizildi. Nátıjesinde, 120 uıǵarym berilip, 72,3 keli tamaq ónimi satýdan alyndy.
