ShQO dúkenderinde adam densaýlyǵyna qaýipti taýyq ónimderi satylǵan
ShQO sanıtarlyq epıdemıologııalyq baqylaý departamentiniń málimetine súıensek, óńir aýmaǵynda satylatyn azyq-túlik ónimderiniń qaýipsizdigine monıtorıng júrgizildi. Jyl basynan beri saýda nysandarynan Qazaqstanda jáne shetelde jasalǵan 123 qus ónimi alynǵan.
«Taldaý kórsetkendeı, birqatar ónim tehnıkalyq reglament talaptaryna sáıkes kelmeı shyqty. Máselen, 5 ónim densaýlyqqa qaýipti dep tanyldy. Onyń ishindegi 3 ónimde adamǵa zııandy bakterııalar bar. Al 15 ónim tańbalaýǵa qoıylatyn talaptarǵa saı bolmaǵan. ıAǵnı, qaptamada óndirilgen kúni, jaramdylyq merzimi, saqtaý sharttary kórsetilmegen», - delingen aqparatta.
Sondaı-aq muzdatylǵan ónimderde erigennen keıin artyq ylǵal tabyldy. Bul tutynýshyny tikeleı aldaý bolyp sanalady.
Qazirgi ýaqytta atalǵan buzýshylyqtardy joıý maqsatynda 24 uıǵarym shyǵarylyp, dıstrıbıýtorlar men óndirýshiler olardy tolyqtaı oryndady.
