ShQO dárihanalarynda 3 farmatsevt psıhotroptyq zattardy zańsyz satqan

ÓSKEMEN. QazAqparat – Shyǵys Qazaqstan oblysyndaǵy dárihanalarda psıhotroptyq zattardy zańsyz satqan 3 farmatsevt anyqtaldy, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, tártip saqshylary óńir aýmaǵynda «Dármek» jedel-aldyn alý sharasyn júrgizdi.

Ondaǵy maqsat – medıtsınalyq mekemelerde, dárihanalarda esirtki men psıhotroptyq zattardy satyp alý, saqtaý jáne paıdalaný erejeleri buzylýynyń jolyn kesý. Nátıjesinde, esirtki zattarynyń zańsyz aınalymyna baılanysty 5 qylmys jáne 10 ákimshilik quqyq buzýshylyq anyqtalǵan.

«Atap aıtqanda, quramynda esirtki jáne psıhotroptyq zattar bar preparattarmen jumys isteý qaǵıdalaryn buzǵany úshin 5 medıtsına qyzmetkerine qatysty is qozǵaldy. Dárihanalardan quramynda psıhotroptyq zattar qosylǵan preparattardy retseptsiz satý faktisi boıynsha 3 farmatsevt jaýapqa tartyldy», - delingen aqparatta.

Sondaı-aq shara barysynda zańsyz aınalymnan 737,16 gramm esirtki men psıhotroptyq zattar, 64 tonnaǵa jýyq prekýrsorlar tárkilengen.