ShQO dárigerleri júrekke jańa ádispen ota jasady
ShQO Densaýlyq saqtaý basqarmasy baspasóz qyzmetiniń málimetinshe, buryn júrek yrǵaǵy buzǵylǵan naýqastarǵa em alý úshin elordaǵa nemese shetelge barýǵa týra keletin. Endi joǵary tehnologııalyq medıtsınalyq kómek oblys turǵyndaryna MÁMS aıasynda qoljetimdi bolyp otyr.
Máselen, Óskemen qalasynyń turǵyny Oralbek Mamyrqanov eki jyl buryn júreginiń esh sebepsiz tez soǵyp ketetindigin baıqaǵan. Entigý, turaqty álsizdik paıda bolyp, boıyn qorqynysh bıleı bastaǵan. Osy ýaqyt ishinde ol birneshe ret aýrýhanaǵa túsip, emdeldi. Biraq jaǵdaıy sol kúıi jaqsarmady.
«Men nebári 65 jastamyn. Qoǵamǵa, otbasyma óz paıdamdy tıgizgim keledi. Týystarym qatty qobaljydy. Qazir ózimdi jaqsy sezinip turmyn. Aýrýhanadan shyǵýǵa daıyndalyp jatyrmyn. Innovatsııalyq medıtsına bólimshesiniń dárigerlerine alǵysym sheksiz. Al medıtsınalyq saqtandyrýdyń arqasynda maǵan bul kómek esh aqysyz kórsetildi», - deıdi azamat.
Zeınetker oblystyq mamandandyrylǵan medıtsınalyq ortalyqtyń ınnovatsııalyq medıtsına bólimshesine túsken. Onda dárigerler elektrofızıologııalyq zertteýler júrgizdi. Sodan keıin olar júrek yrǵaǵyn buzatyn nervterdiń radıojıilik ablıatsııasyn jasaýdy uıǵardy. Búginde naýqas syrqatynyń beti qaıtty.