ShQO dárigerleri sırek jasalatyn ádispen jas jigittiń aıaǵyn saqtap qaldy
Birneshe jerden jaraqat alǵan jas jigittiń aıaǵyn saqtap qalý úshin travmatolog-hırýrgtar Masquelet ádistemesin qoldandy.
Mototsıkl tizginine ıe bola almaı qalǵan ıAroslav Pıatkov jol apatyna túsip, jambasyn birneshe jerden syndyryp alǵan. Jambastyń ashyq synyǵyna, aldymen oblystyq balalar aýrýhanasynda ota jasaldy.
Alaıda biraz ýaqyttan keıin jara asqynyp, irińdep ketken soń, naýqas Shyǵys Qazaqstan oblystyq aýrýhanasyna jetkizilgen. Qaıta ota jasalǵanymen, naýqastyń jaǵdaıy jaqsarmady. Sonyń saldarynan ashyq synyqtardyń kúrdeli jáne qaýipti asqynýy órshı berdi.
«Halyqaralyq travmatologııa jáne ortopedııa ǵylymı ortalyǵyndaǵy áriptester bizge emdeý úshin álemdik ortopedııalyq praktıkada keń taralǵan, biraq Qazaqstanda óte sırek jasalatyn Masquelet ádistemesin qoldanýdy usyndy. Ortalyqtyń dırektory Erkin Júnisov operatsııany júrgizýge kómektesý úshin Almatydan ózi arnaıy keldi», - dedi oblystyq aýrýhananyń ortopedııa bóliminiń meńgerýshisi Dýman Bakerbekov.
Onyń aıtýynsha, bul ádisteme eki kezeńnen turady. Birinshi kezeńde súıektiń nekrozdan zardap shekken tusy alynyp tastaldy. Onyń ornyna antıbıotıkpen aralastyrylǵan tsement ımplant ýaqytsha qoıyldy. Antıbıotık jaranyń qabynýyn toqtatady.
«Alty aptadan keıin onyń ornyna súıek ımplantyn ornatamyz. Osylaısha, birinshi kezeń sátti ótti. Birneshe kúnnen keıin jaranyń qabynýy basyldy. Naýqas jaǵdaıynyń jaqsarǵanyn aıtýda», - dedi Dýman Bakerbekov.
Patsıent ıAroslav Pıatkov dárigerlerge rızashylyǵyn aıtty. Oǵan bul medıtsınalyq kómek MÁMS aıasynda tegin kórsetilgen.
«Aýrýhanada dárigerler maǵan jaqsy qarady. Únemi qamqorlyq tanytyp, qoldaý kórsetýde. Osynda jatyp týystarymdy, dostarymdy saǵyndym. Tezirek kolledjdegi oqýyma oralsam deımin. Sońǵy otadan keıin ózimdi birden jaqsy sezindim, aýyrsyný azaıdy, iriń joq», - dedi jas jigit.
