ShQO dárigerleri naýqastyń asqazanynan salmaǵy 3 keli isikti alyp tastady
ShQO Kópsalaly onkologııa jáne hırýrgııa ortalyǵynyń baspasóz qyzmeti málimetine súıensek, Zaısan aýdany turǵynynyń asqazanyndaǵy isiktiń dıametri shamamen 40 santımetr, al salmaǵy úsh keliden asqan. Er adam aýrýhanaǵa aýyrsyný sındromdary men qan ketý bastalǵan kezde júgindi. Oǵan asqazan isigi dıagnozy qoıylǵan.
«Biz naýqasqa birneshe saǵat boıy ota jasadyq. Bári oıdaǵydaı bolyp, isik sátti alyndy. Іsik basqa múshelerge óskendikten, olardy rezektsııalaýǵa týra keldi. Kóptegen músheler zaqymdanǵandyqtan naýqastyń saýyǵýy uzaqqa sozylady. Odan keıin isikke qarsy keshendi em qajet bolady», - dedi onkohırýrgııa bóliminiń meńgerýshisi Ádilbek Baımusanov.
Aıta keteıik, asqazan isigi qaterli isikterdiń statıstıkasynda taralý kórsetkishi boıynsha oblysta 5-shi orynda tur.