ShQO dárigerleri naýqastan kólemi taýyq jumyrtqasyndaı isikti alyp tastady
SEMEI. QazAqparat – Semeı qalasyndaǵy ıAdrolyq medıtsına jáne onkologııa ortalyǵynyń qyzmetkerleri 55 jastaǵy er adamǵa ota jasap, ókpesinen kólemi taýyq jumyrtqasyndaı isikti alyp tastady, dep habarlaıdy QazAqparat tilshisi.
Naýqas onkolog-dárigerlerge ókpeniń tómengi bóligindegi isikke baılanysty júgingen. Tekserýden jáne operatsııaǵa deıingi daıyndyqtan keıin ol ıAdrolyq medıtsına jáne onkologııa ortalyǵyna jatqyzyldy. Hırýrgter isikti torakoskopııalyq ádispen alyp tastady.
Ókpeden alynǵan kólemi taýyq jumyrtqasyndaı isik zerthanaǵa gıstologııalyq zertteýge jiberildi. Sonyń nátıjesine oraı odan keıingi em-dom taǵaıyndalmaq.
Aıta keteıik, otany ıAdrolyq medıtsına ortalyǵynyń onkohırýrgııa bóliminiń meńgerýshisi Shyńǵys Ádilǵazyuly jasady. Hırýrgtiń kómekshisi - Ámirjan Abeshov, meıirbıke - Aıgúl Baıahmetova, anestezıolog - Symbat Qaırashova. Qazir naýqastyń jaǵdaıy qalypty.
