ShQO dárigerleri bıyl naýqastarǵa 500-den astam joǵary tehnologııalyq operatsııa jasady

ÓSKEMEN. QazAqparat – Shyǵys Qazaqstan oblysynyń dárigerleri jyl basynan beri naýqastarǵa 500-den astam joǵary tehnologııalyq ota jasady, dep habarlaıdy QazAqparat tilshisi.

ShQO Densaýlyq saqtaý basqarmasynyń málimetine súıensek, óńirde jyl basynan beri túrli naýqastarǵa 552 joǵary tehnologııalyq ota júrgizilgen. Bul byltyrǵy kezeńmen salystyrǵanda birshama kóp. Ótken jyly 440 ota jasalǵan bolatyn.

Medıtsına mekemelerine 6 jańa jabdyq satyp alynbaq. Bul joǵary tehnologııalyq medıtsınalyq qyzmetterdiń taǵy 14 túrin júrgizýge múmkindik beredi.

Aımaq basshysy Danıal Ahmetovtyń aıtýynsha, qazir 19 dáriger shetelde biliktilik arttyrýda. Aldaǵy ýaqytta taǵy 54 mamandy úzdik klınıkalarda oqytý josparlanyp otyr. Onyń 20-sy onkogematologııa salasynda ter tógip júrgender.

«Sondaı-aq bizdiń dárigerler Nur-Sultan qalasyndaǵy Ulttyq kardıologııa jáne neırohırýrgııa ortalyǵynda ıÝrıı Pıadan dáris alady. Ana men bala ortalyǵynda zerthanalyq zertteýler júrgizýge múmkindik beretin zamanaýı jabdyqty ornattyq», - dedi ol.

Esterińizge sala ketsek, osyǵan deıin Shyǵys Qazaqstan oblysynda 2 myńnan astam adamdy kene shaqqanyn habarlaǵan edik.