ShQO dárigerleri attan qulaǵan er adamǵa kúrdeli ota jasady
«Áleýmettik medıtsınalyq saqtandyrý qory» ShQO fılıaly baspasóz qyzmetiniń málimetine súıensek, Jańaaýyl aýylynyń turǵyny Dıdar Meıranov 6 naýryz kúni attan qulap, aýyr jaraqat alǵan.
Naqty aıtqanda, onyń sol jaq buǵanasynyń jaryqshaǵy synǵan.
Er adam Aqjar aýylyndaǵy aýrýhanaǵa tústi. Atalǵan aýrýhanadaǵy zamanaýı apparattardyń ishinde ota kezinde tinderdi kesý, usaq qan tamyrlarda qan ketýin toqtatýǵa arnalǵan elektrokaogýlıator bar. Sol apparattyń kómegimen patsıentke ota jasaldy.
«Eń áýeli qajetti em alý úshin Óskemenge nemese Semeıge barý kerek dep oıladym. Alaıda otany aýdandyq aýrýhananyń qabyrǵasynda jasaıtynyn estigende tańqaldym. Barlyǵy oıdaǵydaı boldy. Aq halatty abzal jandarǵa myń alǵys! MÁMS júıesinde saqtandyrylǵandyqtan esh aqy tólemedim», - deıdi Dıdar Meıranov.