ShQO dárigerleri 2021 jyly oqys oqıǵadan zardap shekken 289 adamǵa kómekke kelgen

ÓSKEMEN. QazAqparat – Shyǵys Qazaqstan oblystyq Apattar medıtsınasy ortalyǵynyń dárigerleri byltyr oqys oqıǵadan zardap shekken 289 adamǵa kómekke kelgen, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, Apattar medıtsınasy ortalyǵynyń aq halattylary árdaıym aldyńǵy qatarda.

Olar túrli apattar men tótenshe jaǵdaılardan zardap shekkenderge kómektesedi.

«Apattar medıtsınasy ortalyǵy men jedel járdem arasyndaǵy aıyrmashylyq – aýmaqtyq qamtýda. Jedel járdem qyzmeti qala jáne jaqyn mańdaǵy aýdandarda jumys isteıdi. Al Apattar medıtsınasy ortalyǵy shalǵaı jáne jetýi qıyn jerlerge barady. Ortalyqtyń oblystyq fılıalynda 11 dáriger bar. Olar kóbinese jol-kólik oqıǵalaryna jıi attanady», - delingen aqparatta.

Sáýir aıynda medıtsına qyzmetkerleri qutqarýshylarmen birge tikushaqpen Rıdder qalasyna ushqan. Onda er adam adasyp, aıaǵyn syndyryp, úıine óz betinshe orala almady.

Dárigerler oǵan oqıǵa ornynda kómek kórsetti. Keıin azamat tikushaqpen evakýatsııalandy.

Jalpy 2021 jyly ortalyq dárigerleri túrli tótenshe jaǵdaılarǵa 600-den astam ret jol tartyp, zardap shekken 289 adamǵa kómektesti.