ShQO-daǵy jol qurylysyn jýrnalıster keńesi qadaǵalamaq

ÓSKEMEN. QazAqparat - Shyǵys Qazaqstan oblysynyń ákimi Danıal Ahmetovtiń tapsyrmasymen óńirde synshyl jýrnalıster men qoǵam qaıratkerleriniń pýly qurylmaq. Olar oblystaǵy medıtsınalyq tehnıkanyń satyp alynýy men jol salý jumystarynyń júrgizilýin qadaǵalaıtyn bolady.

Bul týraly búgin oblys ákimdiginiń otyrysynda Danıal Ahmetov málimdedi.  Bıylǵy jyly medıtsına mekemelerin zamanaýı qurylǵylarmen jabdyqtaýǵa oblys bıýdjetinen alty mıllıard teńge bólingen. Óńir basshysy aýrýhanalar men emhanalarǵa arnalǵan joǵary tehnologııaly jabdyq satyp alý konkýrsynyń kestesin daıyndap, jýyq arada usynýdy tapsyrdy.  

 «Biz qoǵam belsendileri men densaýlyq saqtaý salasyna qatysty ótkir taqyryptarǵa jazyp júrgen jýrnalısterdi shaqyramyz, - dedi Danıal Ahmetov. - Osy salada memlekettik satyp alýlarǵa qoǵamdyq qadaǵalaý jasaıtyn pýldy ózim jasaqtaımyn».

Ol úshin D. Ahmetov Óskemen men Semeı ákimderine jol salý jumystarynyń kestesin usynýdy tapsyrdy. Jol qurylysyn da qoǵam belsendileri qadaǵalaıtyn bolady.