ShQO-daǵy jol apaty jıi bolatyn Osınov asýynda polıtseıler kezekshilik etýi múmkin
Osınov asýyn aınalyp ótetin jol qurylysy 2017 jyly bastalǵan bolatyn. Alaıda eki jyldan keıin jol salýshylar orman sharýashylyǵynyń jerine kirip ketkendikten qurylys jumystary toqtap qalǵan. Sodan bastap áli kúnge deıin bul jol salynyp bitpedi.
Osyǵan baılanysty jaz shyqqanda Buqtyrmaǵa baryp demalǵysy keletin halyq Osınov asýymen qatynap júr. Burylysy, óri men eńisi kóp jolda jol apaty jıi tirkeledi. Shyǵys Qazaqstan oblysynyń ákimi Ermek Kosherbaevtyń aıtýynsha, oqys oqıǵalar tek joldyń qaýiptiliginen ǵana emes, júrgizýshilerdiń kinásinen de jıi bolyp jatady.
«Sońǵy kezde bolǵan jol apattaryna júrgizilgen taldaý barysynda kóp jaǵdaıda júrgizýshilerdiń qarsy qozǵalys jolaǵyna shyǵyp ketetini, órge kóterilgende aldyndaǵy kólikti basyp ozbaq bolatyny, qaýipsiz jyldamdyqty saqtamaıtyny belgili boldy. Sondyqtan Polıtsııa departamenti men aýdan ákimdigi birlesip, osy máselege mán bergeni durys. Múmkin táýlik boıy polıtsııa kezekshiligin uıymdastyrý kerek», - deıdi oblys ákimi.