ShQO-daǵy jer úılerde órt qaýipsizdigin saqtamaýdyń 4 myńnan astam deregi anyqtaldy
ÓSKEMEN. QazAqparat – Shyǵys Qazaqstan oblysyndaǵy jer úılerde órt qaýipsizdigin saqtamaýdyń 4 myńnan astam deregi anyqtaldy, dep habarlaıdy QazAqparat tilshisi.
ShQO tótenshe jaǵdaılar departamenti baspasóz qyzmetiniń málimetine súıensek, jylytý maýsymy qarsańynda qutqarýshylar jer úılerge tekserý júrgizdi.
«Jyl basynan beri qolǵa alynyp kele jatqan reıdter, aktsııalar men nusqaýlyqtar nátıjesinde, 2021 jylmen salystyrǵanda órt sany 15%-ǵa azaıyp otyr. Al adam ólimi 36%-ǵa azaıǵan. Atap aıtqanda, bıyl qyzyl jalyn 14 adamnyń kóz jumýyna sebepker bolsa, byltyrǵy kezeńde bul kórsetkish 22-ni qurady. Sondaı-aq osy jyly birde-bir ret órt kezinde bala ólimine jol berilgen joq», - deıdi departamenttiń memlekettik órt baqylaý basqarmasynyń bastyǵy Nurjan Ómirjanov.
Oblys aýmaǵyndaǵy 3174 úı turǵyndary pesh paıdalanyp otyr. Qazirgi ýaqytta qutqarýshylar úılerdi túgel aralap shyqty.
«Jalpy jeke turǵyn úı sektorynda 13 292 ret tekserý júrgizilgen. Sonyń nátıjesinde, órt qaýipsizdigi talaptaryn saqtamaýdyń 4 182 faktisi anyqtaldy», - deıdi N.Ómirjanov.
