ShQO-daǵy jer úılerde órt qaýipsizdigi 103 myńnan astam ret buzylǵan
ÓSKEMEN. QazAqparat – Shyǵys Qazaqstan oblysyndaǵy jer úılerden órt qaýipsizdigin buzýdyń 103 myńnan astam faktisi tirkeldi, dep habarlaıdy QazAqparat tilshisi.
ShQO TJD baspasóz qyzmetiniń málimetine súıensek, qutqarýshylar órt shyǵýynyń jáne azamattardyń gazdan ýlanýynyń aldyn alý maqsatynda jer úılerdi aralap, tekserýde.
Jylytý maýsymy bastalǵaly beri departament qyzmetkerleri 379 000-nan astam úıdi aralap shyqty. Úılerden órt qaýipsizdigi talaptaryn buzýdyń 103 427 faktisi anyqtaldy. Onyń ishinde 42 246-y peshti paıdalaný kezindegi ereje buzýshylyqtarǵa qatysty bolyp otyr. 16 000-nan astam buzýshylyq sol jerde joıyldy.
«Aldyn alý jumystary úılerge baryp, qaǵaz taratýmen shektelmeıdi. Órt qaýipsizdigi talaptaryn buzǵan azamattar eskertilip, keıin qaıta tekseriledi», - dedi oblystyq TJD memlekettik órt baqylaý basqarmasynyń bastyǵy Serik Amangeldın.
Budan bólek, kópbalaly jáne az qamtylǵan otbasylardyń úılerine ýly gazdy anyqtaıtyn 1708 datchık ornatylǵan.
Júrgizilgen profılaktıkalyq jumystardyń nátıjesinde óńirde jyl basynan beri peshti paıdalaný kezinde ıis tııý kórsetkishi 13%-ǵa azaıyp otyr.
