ShQO-daǵy Jańa Buqtyrma kentindegi jylý jelisinde apat boldy

ÓSKEMEN. QazAqparat – Shyǵys Qazaqstan oblysy Altaı aýdany Jańa Buqtyrma kentindegi jylý jelisinde apat boldy, dep habarlaıdy QazAqparat tilshisi.

22 qarashada Jańa Buqtyrma kentiniń turǵyndary úıleriniń salqyndaǵanyna shaǵymdandy. Belgili bolǵandaı, kentti jylýmen jabdyqtaýshy uıymnyń jylý jelisinde apat bolǵan.

«Qazir ýchaskede jóndeý jumystary júrip jatyr. Másele Altaı aýdany ákiminiń baqylaýyna alyndy. Jergilikti atqarýshy organdardyń dereginshe, jylý 7:00-den 18:00-ge deıin óshirilgen. Tehnıkalyq jumystardy júrgizý úshin aýa raıy qolaıly bolyp otyr», - dep habarlady ShQO Aqparat ortalyǵy.

Birinshi aýysymdaǵy oqýshylar mektepte oqydy. Al ekinshi aýysymdaǵy oqýshylar qashyqtan oqýǵa jiberilgen. Balabaqsha tek balalaryn úıde qaldyra almaıtyn ata-analar úshin ǵana jumys isteıdi.