ShQO-daǵy ýnıversıtette 20-dan astam oqytýshyǵa vaktsına salyndy

ÓSKEMEN. QazAqparat – D.Serikbaev atyndaǵy Shyǵys Qazaqstan tehnıkalyq ýnıversıtetiniń 20-dan astam oqytýshysy koronavırýsqa qarsy vaktsına aldy, dep habarlaıdy QazAqparat tilshisi.

30 naýryzdan bastap D.Serikbaev atyndaǵy ShQTÝ qyzmetkerleri men oqytýshylary COVID-19 ınfektsııasyna qarsy vaktsına saldyrýda. Alǵashqylardyń biri bolyp preparatty joǵary oqý ornynyń rektory Jasulan Shaımardanov alǵan. Rektor ýnıversıtet ujymyna vaktsınaǵa baılanysty pikirimen bólisip, onyń mańyzdylyǵy jaıynda aıtty. Qazirgi ýaqytta bilim ordasynyń 50-ge jýyq mamany ekpe saldyrǵan. Onyń ishinde 20-dan astam oqytýshy bar.

Osy rette, ShQTÝ-dyń birinshi prorektory Saýle Rahmetýllına ekpeden keıingi qal-jaǵdaıymen bólisti.

«Ekpeni salýǵa bir-eki mınýt qana ýaqyt ketti. Ár azamat týraly aqparat elektrondy bazada bar. Dáriger ony qarap, qan qysymyn tekserip, koronavırýs ınfektsııasy sımptomdary bolǵan-bolmaǵanyn surady. Sodan soń ekpe saldyrýǵa kelisim beretin qaǵazǵa qol qoıý qajet. Protsedýradan keıin meni jarty saǵat kóleminde baqylaýda ustady. Shynymdy aıtsam, erekshe eshteńe sezbedim, qal-jaǵdaıym ádettegideı boldy», - dedi ol.

Aıta keteıik, ekpe saldyrǵannan keıin patsıentke «Spýtnık-V» preparatynyń birinshi dozasyn alǵany týraly jáne ekinshi komponentti salatyn ýaqyty kótsetilgen SMS-habarlama keledi.