ShQO-daǵy «Uly dala altyny» kórmesi Ulybrıtanııadaǵy mýzeıge qoıyldy
ÓSKEMEN. QazAqparat – Shyǵys Qazaqstan oblysyndaǵy «Uly dala altyny» kórmesi Ulybrıtanııanyń Kembrıdj qalasyndaǵy Fıtsýılıam mýzeıine qoıyldy, dep habarlaıdy QazAqparat tilshisi.
Bul jaıly aımaq basshysy Danıal Ahmetov Facebook jelisindegi jeke paraqshasynda jazdy.
Fıtsýılıam mýzeıine qoıylǵan «Uly Dala altyny» atty kórmemizdiń tarıh súıer qaýymnyń ǵana emes, qarapaıym adamdardyń da erekshe qyzyǵýshylyǵy men tańdanysyn týdyrdy. Eleke Sazy, Shilikti qorǵandarynan jáne patshalar ańǵarynan tabylǵan biregeı artefaktilerden turatyn ekspozıtsııa álemge saq órkenıeti men mádenıeti tarıhynyń jańa betterin ashady. Kórmedegi jádigerler ata-babalarymyzdyń taý-ken ónerkásibi men metallýrgııa, aýyl sharýashylyǵy salalaryn tereń meńgergendigin, sondaı-aq zergerlik ónerde de sheber bolǵandyǵyn kórsetedi, - dedi ol.
Oblys ákiminiń aıtýynsha, sadaqshynyń qabirinen tabylǵan altyn zattar - bul zergerlik jumysqa degen asqan muqııattylyq pen qymbat metaldardy qalaı ustaý kerektigin túsinýdiń qarapaıym úlgileri.
«Uly Dala altyny» kórmesi – eki memleket arasyndaǵy mýltımádenı almasýdyń tek bir bóligi ekendigine senimdimin. Aldaǵy ýaqytta da birlesken jobalardyń sátti shyǵýyna tilektespin», - dedi Danıal Ahmetov.
