ShQO-daǵy týrıstik aımaqtarǵa 17 dárethana salynbaq

ÓSKEMEN. QazAqparat – Shyǵys Qazaqstan oblysyndaǵy týrıstik rekreatsııalyq aýmaqtarǵa dárethanalar salynady, dep habarlaıdy QazAqparat tilshisi.

ShQO Týrızm jáne syrtqy baılanystar basqarmasy basshysynyń orynbasary Inara Bodýkovanyń aıtýynsha, bıyl «Jumyspen qamtýdyń jol kartasy-2020» baǵdarlamasy sheńberinde birqatar jumystar atqarylmaq. Sonyń biri – týrıstik rekreatsııalyq aýmaqtarǵa 17 dárethana salý. Alakól demalys orny men Katonqaraǵaı memlekettik ulttyq tabıǵı parkinde 5 qoǵamdyq ájethanadan salynady. Sondaı-aq jańa dárethanalar Abaı aýdanyndaǵy Qońyr-Áýlıe úńgiriniń mańynda, Sibe kólindegi mýnıtsıpaldy jaǵajaıda, Glýbokoe aýdanyndaǵy «Altaı Alpisi» taý shańǵysy kýrortynda jáne Tarbaǵataı aýdanyndaǵy Yrǵyzbaı ata eskertkishiniń janynda paıda bolady.

«Jalpy óńir boıynsha osyndaı 70 dárethana salý josparlanyp otyr. Olardyń barlyǵy statsıonarlyq, zamanaýı úlgide bolady. Eskızdi Kazakh Tourism kompanııasy ázirlegen. Bul maqsatta bizge «Jumyspen qamtýdyń jol kartasy-2020» baǵdarlamasy aıasynda 100 mln teńge bólindi», - deıdi Inara Bodýkova.

Esterińizge sala ketsek, osyǵan deıin Shyǵys Qazaqstan oblysyndaǵy Alakól jaǵalaýynda eki iri ınvestıtsııalyq joba júzege asyrylatyndyǵyn habarlaǵan bolatynbyz.