ShQO-daǵy tasjol boıynda jarylys jasalyp, 1400 tekshe metr qar túsirildi
ShQO Tótenshe jaǵdaılar departamenti baspasóz qyzmetiniń málimetine súıensek, aýa temperatýrasynyń kúrt jylynýy men qatty jeldiń saldarynan aımaqta qar kóshkini júrý qaýpi týyndaǵan. Osyǵan oraı «Qazseldenqorǵaý» ShQ fılıalynyń qyzmetkerleri ««Óskemen-Gornaıa Ýlbınka-Severnoe» tasjolynyń 30-37 shaqyrymynda jasandy jolmen qar kóshkinin túsirdi.
«Jol boıynda jarylys jumystary júrgizildi. Sonyń nátıjesinde 1400 tekshe metr qar túsirildi. Sondaı-aq keshe «Óskemen-Altaı» tasjolynda jasandy jolmen kóshkin túsirilgen bolatyn. Osy baǵyttaǵy jumystar aldaǵy ýaqytta da jalǵasyn tappaq», - dep habarlady vedomstvo ókilderi.
Osy rette, qutqarýshylar óńir jurtshylyǵyna alys saparǵa shyǵar aldynda joldardyń jaı-kúıin «Dármen» mobıldi qosymshasy arqyly tekserip otyrýǵa keńes berdi.
