ShQO-daǵy Tarbaǵataı aýdanynda 25 tonna shóp órtendi
ÓSKEMEN. QazAqparat – Shyǵys Qazaqstan oblysy Tarbaǵataı aýdanynda 25 tonna shóp órtendi, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, 12 qarashada saǵat tańǵy 04.00-de Tarbaǵataı aýdanynyń Oıshilik aýylynda eki jeke turǵyn úıdiń aýlasyndaǵy 25 tonna shóp janyp ketken. Belgili bolǵandaı, bir úıdiń mańaıyndaǵy shópti sharpyǵan jalyn lezde kórshisiniń aýmaǵyna qaraı jaıyla bastady.
«Órt sóndirýshiler tilsiz jaýdy saǵat 08.55-te tolyqtaı aýyzdyqtady. Órttiń shyǵý sebebi – otpen abaısyz áreket etýden nemese qasaqana órteýden bolýy múmkin», - dep habarlady vedomstvo ókilderi.
Aıta keteıik, jalyndy sóndirýge 6 adam men 2 órt sóndirý kóligi jumyldyrylǵan.
