ShQO-daǵy sý aıdyndarynan 43,7 tonna turmystyq qaldyq jınaldy
Bul týraly ShQO aqparat ortalyǵynda ótken baspasóz máslıhaty barysynda «Zaısan-Ertis» oblysaralyq balyq sharýashylyǵy basseındik ınspektsııasy basshysynyń mindetin atqarýshy Talǵat Rahymjanov málim etti.
«Óńirde 1 mamyrdan bastap «Taza sý aıdyndary» tabıǵat qorǵaý aktsııasy ótkizilip jatyr. Sharanyń negizgi maqsaty – balyq sharýashylyǵy sý aıdyndarynyń jaǵalaýlaryn tyıym salynǵan balyq aýlaý quraldarynan, turmystyq qaldyqtardan tazartyp, balyqtardyń jáne basqa da sý janýarlarynyń qolaıly ýyldyryq shashýyn qamtamasyz etý. Búginge deıin aktsııaǵa 352 adam qatysyp 43,7 tonna turmystyq qaldyq jınaldy», - deıdi ol.
Shara barysynda 72 avtokólik, 10 túrli tehnıka, 26 júzý quraly paıdalanyldy. Aktsııaǵa ınspektsııa mamandary, tabıǵat paıdalanýshylar, qoryqshylar, qoǵamdyq birlestik ókilderi, jergilikti atqarýshy organ mamandary jáne turǵyndar tartylǵan.
Sonymen qatar, brakonerler sý aıdyndarynyń túbine tyǵyp tastaǵan jalpy uzyndyǵy 35 myń metrge jetetin 350 dana qurma aý shyǵaryldy.
«Taza sý aıdyndary» tabıǵat qorǵaý aktsııasy 31 mamyrǵa deıin jalǵasady. Jalpy, osy kezeńde ýyldyryq shashatyn aıdyndarda motorly qaıyqtarmen jáne basqa da júrý quraldarymen júrýge tyıym salynǵan», - deıdi T. Rahymjanov.