ShQO-daǵy statsıonarlarda koronavırýs juqtyrǵan 489 adam emdelip jatyr

ÓSKEMEN. QazAqparat – Shyǵys Qazaqstan oblysyndaǵy statsıonarlarda koronavırýs juqtyrǵan 489 adam emdelip jatyr, dep habarlaıdy QazAqparat tilshisi.

ShQO Densaýlyq saqtaý basqarmasy baspasóz qyzmetiniń málimetine súıensek, óńir boıynsha sońǵy táýlik ishinde COVID-19 ınfektsııasyn juqtyrǵan 42 adam tirkeldi.

Onyń ishindegi 38 naýqasta sımptom bar bolsa, 4 adam vırýsty sımptomsyz ótkerýde.

«Bir kúnde 42 patsıent koronavırýstan tolyqtaı saýyǵyp shyqty. 8 sımptomsyz vırýstasýshy úı karantınin aıaqtady. Qazirgi ýaqytta oblys boıynsha statsıonar jaǵdaıynda 489 patsıent em-dom qabyldap jatyr. Jalpy oblys statsıonarlarda tósek-orynnyń qamtylýy – 17,2%-dy quraıdy», - delingen aqparatta.

Esterińizge sala ketsek, osyǵan deıin Shyǵys Qazaqstanda qarashanyń sońyna deıin 650 adam revaktsınatsııadan ótýi tıis ekendigin habarlaǵan bolatynbyz.