ShQO-daǵy shahtada qyzmetker qaza tapty
ASTANA. QazAqparat - Shyǵys Qazaqstan oblysynyń Shemonaıha aýdanynda Artemev shahtasynda er adam toqqa túsip kóz jumdy, dep habarlaıdy «QazAqparat» HAA tilshisi KAZ Minerals kompanııasynyń baspasóz qyzmetine silteme jasap.
Qaıǵyly oqıǵa 9 qazan kúni saǵat 20:00 shamasynda Artemev shahtasynda tirkelgen. Mert bolǵan er adam shahtasynyń elektrslesar bolyp jumys istegen.
«Artemev shahtasynyń elektrslesari elektr toǵynan zardap shegip qaza tapty. Qazirgi ýaqytta oqıǵanyń mán-jaıy anyqtalý ústinde. KAZ Minerals Tobynyń basshylyǵy men ujymy marqumnyń otbasyna kóńil aıtyp, qaıǵylaryna ortaqtasady», - delingen habarlamada.
Atalǵan oqys oqıaǵa qatysty arnaıy komıssııa qurylyp, tergeý jumystary júrip jatyr.
