ShQO-daǵy saýda ortalyqtarynda vaktsınatsııa pýnktteri ashylady
ÓSKEMEN. QazAqparat – Shyǵys Qazaqstan oblysyndaǵy saýda ortalyqtarynda vaktsınatsııa pýnktteri ashylady, dep habarlaıdy QazAqparat tilshisi.
Óńirde 2021 jyldyń 1 aqpanynda koronavırýs ınfektsııasyna qarsy vaktsınatsııalaý naýqany bastalǵan bolatyn. ShQO Densaýlyq saqtaý basqarmasynyń málimetine súıensek, búgingi tańda aımaq boıynsha 9457 adam vaktsınanyń birinshi komponentin alsa, 5118 adam revaktsınatsııadan ótken.
Budan bólek, vaktsınatsııa pýnktterin kóbeıtý jumystary júrgizilýde. Qosymsha pýnktterdi oblystyń iri kásiporyndary men saýda ortalyqtarynda ashý josparlanýda.
«Vaktsına medıtsınalyq qyzmetkerlerge, quqyq qorǵaý organdarynyń ókilderine, muǵalimder men sozylmaly aýrýlary bar adamdarǵa egilýde. Qazirde 60 vaktsınatsııa pýnkti ashylǵan. Mundaı pýnktterdiń sanyn arttyrý kózdelip otyr. Naqty aıtqanda, osy apta ishinde taǵy 60-qa jýyq vaktsınatsııa pýnkti jumysyn bastaıdy. Onda kez kelgen nıet bildirgen azamat vaktsına alatyn bolady», - dedi ShQO Densaýlyq saqtaý basqarmasynyń basshysy Ermek Omarbekov.
