ShQO-daǵy Pervomaıskıı aýylynda sý qubyry ábden tozyp, halyq sýsyz otyr

Shyǵys Qazaqstan oblysy Shemonaıha aýdanyndaǵy Pervomaıskıı aýylynda sý qubyry ábden tozyp, halyq sýsyz otyr, dep habarlaıdy QazAqparat tilshisi.

ShQO ákimi Ermek Kósherbaevtyń jeke qabyldaýyna kelgen Shemonaıha aýdany Pervomaıskıı aýylynyń turǵyny aýyzsý máselesin kóterdi. Búginde aýyldy sýmen jabdyqtaý máselesi ótkir kúıinde qalyp otyr.

«Eldi mekendegi sý qubyry ábden tozǵan. Aýdandardy aralaǵan kezimde osy aýyl turǵyndary bul máselege erekshe mán berýdi ótingen bolatyn. Endi kúz-qyc mezgilderinde halyqty sýmen úzdiksiz qamtamasyz etý maqsatynda bastalǵan jóndeý jumystary aıaqtalý satysynda», - dedi aımaq basshysy.

Onyń aıtýynsha, Pervomaıskıı aýylyn aýyzsýmen qamtamasyz etý boıynsha joba ázirlengen. Joba quny 200 mln teńgeden asady.

«Qarajattyń basym bóligi respýblıkalyq bıýdjetten bólinedi. Biraq qazirdiń ózinde oblystyq bıýdjetten kúzgi kezeńde oryndalatyn jumystardyń bir bóligin qarjylandyramyz. Bul – uńǵymalardy burǵylaý jáne sorǵylardy satyp alý. Óıtkeni kelesi jyly barlyq jumys aıaqtalyp, aýyldy sýmen jabdyqtaý máselesi túbegeıli sheshilýi qajet», - dedi E.Kósherbaev.