ShQO-daǵy «Óskemen-Samar» tasjoly jabyldy
ÓSKEMEN. QazAqparat – Shyǵys Qazaqstan oblysynda jasandy jolmen qar kóshkini túsiriletindikten «Óskemen-Samar» tasjoly jabyldy, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, búgin óńirdegi tasjoldardyń birinde profılaktıkalyq kóshkin túsirý jumystary júrgiziledi.
«Saǵat 11.00-den bastap oblystyq mańyzy bar «Óskemen-Samar» tasjolynyń 95-102 shaqyrymynda kóliktiń barlyq túrleri úshin qozǵalysqa tyıym salynady», - delingen aqparatta.
Qys mezgili bastalǵaly beri oblysta 46 ret jasandy jolmen qar kóshkini júrgizilip, jalpy kólemi 37 010 tekshe metr qar túsken.
Osy rette, qutqarýshylar óńir jurtshylyǵyna alys saparǵa shyǵar aldynda joldardyń jaı-kúıin «Dármen» mobıldi qosymshasy arqyly tekserip otyrýǵa keńes berdi.
