ShQO-daǵy órttiń 160-tan astamy elektr qaýipsizdigin saqtamaýdan bolǵan

ÓSKEMEN. QazAqparat – Shyǵys Qazaqstan oblysynda jyl basynan beri elektr jabdyqtaryn paıdalaný kezinde qaýipsizdik erejesin saqtamaýdan 160-tan astam órt shyqty, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, osy jyldyń basynan beri óńir boıynsha 585 órt tutanǵan. Onyń 160-tan astamy elektr jabdyqtaryn paıdalaný kezinde órt qaýipsizdigi talaptaryn saqtamaýdan bolǵan.

Máselen, 17 maýsym kúni Úrjar aýdanynda jeke turǵyn úıdiń aýlasyndaǵy sharýashylyq qora-jaıdyń aǵash bólikteri otqa orandy. Órt shyǵýynyń aldyn ala sebebi – elektr jabdyqtaryn montajdaý jáne paıdalaný kezinde órt qaýipsizdigi erejelerin saqtamaý.

«Dál osyndaı sebeppen sol kúni Glýbokoe aýdanyndaǵy 2 páterli turǵyn úıde órt shyqty. Qyzyl jalyn kórshi páterge de tarady. Shatyr, tereze jáne esik bloktary, jıhaz, turmystyq tehnıka, jeke zattary órtenip ketti. Oqıǵa ornyna shuǵyl jetken órt sóndirýshiler jalpy aýdany 80 sharshy metr bolatyn jalyndy tolyqtaı aýyzdyqtady», - delingen departament aqparatynda.