ShQO-daǵy órtti sóndirý úshin Kókshetaýdan MI-26T alyp tikushaǵy ushyp shyqty
NUR-SULTAN. QazAqparat – Shyǵys Qazaqstan oblysyna búgin saǵat 07:45-te Kókshetaýdan órt sóndirý úshin eń úlken tikushaq ushyp shyqty, dep habarlaıdy QazAqparat QR ІІM Tótenshe jaǵdaılar komıtetine silteme jasap.
Komıtet taratqan aqparattarǵa qaraǵanda, sý tasıtyn qurylǵysy bar MI-26T Shyǵys Qazaqstan oblysynyń Besqaraıǵaı aýdanyndaǵy orman órtin sóndirýge jumyldyrylmaq.
Tikushaq bir degende 10 tonna sý shasha alady. Onyń ústine ushaqta Kókshetaý garnızonynyń jeke quramynyń 30 ókili bar. Olar da órt sóndirý jumystaryna atsalysatyn bolady.
Osyǵan deıin Shyǵys Qazaqstan oblysynyń Besqaraǵaı aýdany aýmaǵyndaǵy «Semeı ormany» memlekettik orman tabıǵı rezervatynda qaraǵaılar órtenip jatqandyǵyn habarlaǵan blatynbyz.
