ShQO-daǵy órtterdi sóndirýge barlyq kúsh-qurylymdar jumyldyrylyp, qaýip seıildi
ÓSKEMEN. QazAqparat – Shyǵys Qazaqstan oblysynda órt sóndirýshiler túni boıy qyzyl jalynmen arpalysty, dep habarlaıdy QazAqparat QR Tótenshe jaǵaılar mınıstrliginiń baspasóz qyzmetine silteme jasap.
Mınısttrlik taratqan málimetterge qaraǵanda, ShQO Tótenshe jaǵdaılar departamentiniń bólimsheleri táýlik ishinde órt sóndirýge 57-den kóp ret shyqty.
Órtti sóndirýge aımaqtaǵy uıym, mekeme, sharýa qojalyqtarynyń kúshteri men quraldary túgel tartylǵan. Barlyǵy 120 birlik tehnıka jáne 700-ge jýyq adam jumyldyryldy. Olardyń ishinde ShQO Tótenshe jaǵdaılar departamentinen bólek, orman sharýashylyǵy, Ulttyq Ulan, QR Qorǵanys mınıstrligini ókilderi bar.
Órt sóndirýge ShQO ákimdiginiń MI-8 tikushaǵy da tartyldy.
Zaısan, Glýbokoe, Ulan aýdandarynda, onyń ishinde Altaı men Óskemen qalasynda úılestirilgen is-qımyldar nátıjesinde órtterdiń qarqyny báseńdedi.
Ulan aýdanynyń Gerasımovka aýylynda jáne Kamenka aýyldyq okrýginiń Borsaq ýchaskesinde, Altaı aýdanyndaǵy Serebrıansk qalasynda jáne Óskemen qalasynda Mashına jasaýshylar kóshesinde (Sogra aýdany) órtter tolyq sóndirildi.
Kúrshim aýdanynda Pýgachev ormanshylyǵy men Maraldy aýyldyq okrýginiń aýmaǵynda Úshbulaq aýylynan 14 shaqyrym jerde órtpen kúres jalǵasýda. Jalyn sharpyǵan aýmaq anyqtalyp jatyr.
Aldyn ala boljam boıynsha, óńirdegi órtterdiń aýdany 2000 gektardan asty.
ShQO TJD mamandary atap ótkendeı, turǵyn jáne saıajaı úıleriniń aýmaǵyndaǵy shópter men órtterdiń negizgi bqligi aımaqtaǵy ystyqtan, órt qaýipsizdiginiń qarapaıym erejelerin buzýdan týyndaǵan. Órt sóndirý jumystaryn 20 m/s jyldamdyqpen soqqan kúshti jel qıyndatyp jiberdi. Qutqarýshylar oblys aýdandarynda daýyldyń aldyn alý jáne órt qaýpi týraly aldyn ala habardar etken bolatyn.
«ShQO TJD azamattardy órt qaýipsizdigi sharalaryn saqtaýǵa shaqyrady. Qyraǵy bolyńyz. Úılerdiń aýmaǵyn qurǵaq shópter men qoqystardan ýaqtyly tazalańyz. Turǵyn úılerdiń janynda qoqysty jaǵýǵa bolmaıdy. Jeldi aýa-raıynda ot jaǵýǵa bolmaıdy. Eshbir jaǵdaıda shópti órteýge jol bermeńiz. Órt kezinde 101 nemese 112 nómiri boıynsha habarlańyz»,-delingen ShQO TJD baspasóz qyzmetiniń habarlamasynda.
