ShQO-daǵy órt: Vıtse-mınıstr Rıdderge attandy
NUR-SULTAN. QazAqparat – Shyǵys Qazaqstannyń Rıdder qalasy mańyndaǵy órt aýmaǵynan qaýipsiz jerge kóshirilgen turǵyndar evakýtsııalyq pýnkterge ornalastyrylyp jatyr, dep habarlaıdy QazAqparat tilshisi.
Bul týraly Shyǵys Qazaqstan oblystyq tótenshe jaǵdaılar departamenti habarlady.
«Rıdder qalasynda jedel jeli telefondary jumys isteıdi: 8 (72336) 42941;8 777 991 32.
Evakýatsııalyq pýnktter kelesi meken-jaılar boıynsha uıymdastyryldy:
1. Rıdder agrotehnıkalyq kolledji
Tel.: 8 705 762 8065 Mekenjaıy: Abaı Kóshesi, 65
2. «Qaztsınk» profılaktorıı ambýlatorlyq ortalyǵy bazasyndaǵy qonaq úı. Tel.: 8 771 305 18 53; mekenjaıy: Gogol k., 55a.», - dep jazylǵan departamenttiń málimetinde.
Tótenshe jaǵdaı mınıstrliginiń resmı ókili Talǵat Ýálı QazAqparat tilshisine órttiń beti áli qaıtpaǵanyn aıtty.
«Órt áli basylǵan joq. Oqıǵa ornyna Tótenshe jaǵdaılar vıtse-mınıstri Marat Kúldikov ushyp shyqty», - dedi Talǵat Ýálı.
Qazirgi tańda Rıdder qalasynyń ákimi órtten qaýiptenip baspanasyn tastap shyqqan turǵyndardyń sanyn anyqtap jatyr.
