ShQO-daǵy órt: 283 gektar aýmaq otqa oranǵan
Bul týraly Tótenshe jaǵdaılar mınıstrliniń resmı ókili Talǵat Ýálı aıtty.
«Saǵat 07.30-da barlaý júrgizý jáne órt alańyn naqtylaý úshin «Qazıvıaormankúzetiniń» tikushaǵymen áýeden qabylaý júrgizildi. Onyń qorytyndysy boıynsha órt alańy – 283 gektar bolyp naqtylandy», - dedi ol.
Resmı ókil órtti sóndirýge jergilikti atqarýshy organdardyń, oblystyq tótenshe jaǵdaılar departamentiniń, órt sóndirý bólimsheleriniń jáne orman sharýashylyǵynyń 493 qyzmetkeri, 69 tehnıka jáne 2 tikushaq jumyldyrylǵanan eske saldy.
«Kúshter men quraldardy biryńǵaı basqarýdy uıymdastyrý úshin órt ornynda quramynda orman qorǵaý mekemesi, tótenshe jaǵdaılar departamenti men Rıdder qalasy ákimdiginiń ókilderi bar órt sóndirý shtaby uıymdastyryldy. Sonymen qatar, mınıstrlik pen jergilikti departamenttiń daǵdarys ortalyqtarynda jedel shtabtar quryldy. Vıtse-mınıstr Marat Kúldikov bastaǵan jedel top órt ornynda jumys júrgizýde», - deıdi Talǵat Ýálı.
Esterińizge sala ketsek, 10 mamyr kúni ShQO-daǵy Rıdder orman sharýashylyǵynda órt shyqty. Dala órti 310 gektar aýmaqty sharpyp, 1 adam qaza tapty. Órtke baılanysty shuǵyl jeli iske qosyldy.
Memleket basshysy Úkimet pen Shyǵys Qazaqstan oblysynyń ákimdigi órtten zardap shekken Leshoz kentiniń turǵyndaryna kómek kórsetip, baspanamen qamtamasyz etýdi tapsyrdy.
Tótenshe jaǵdaılar mınıstrliginiń resmı ókili Talǵat Ýálı BAQ ókilderine Rıdder qalasynyń Leshoz kentindegi orman órtiniń alǵashqy yqtımal sebepterin atady.
QR Іshki ister mınıstrligi Shyǵys Qazaqstan oblysy Rıdder qalasyndaǵy órt faktisi boıynsha sotqa deıingi tergeýdi bastady.
