ShQO-daǵy orman órtin sóndirýge tikushaq jiberildi
ASTANA. QazAqparat - MI-8 órt sóndiretin ushaǵy Óskemennen Semeıge attandy. Orman órtin sóndirýge kómek retinde taǵy 2 sý tasyǵysh kólik jiberildi, dep habarlaıdy QazAqparat QR ІІM Tótenshe jaǵdaılar komıtetiniń baspasóz qyzmetine silteme jasap.
«Qatty jel órt sóndirýshilerdiń jumysyn qıyndatyp jiberdi. Jeke quram men orman sharýashylyǵynyń qyzmetkerleri qoıý tútinnen eshteńeni kóre almaı júr. Sınoptıkterdiń málimetine qaraǵanda, saǵat 15:00-de aýa temperatýrasy ormanda 27 gradýs nólden joǵary bolǵan», - delingen habarlamada.
Órt shamamen 10-12 gektar aýdandy sharpyǵan. Jaqyn mańdaǵy eldi mekenderge qaýip tónýine qatysty ázirge málimet joq.
Jalyndy sóndirýge 35 órt sóndirýshi, 10 avtotsısterna, sondaı-aq orman sharýashylyǵynyń 40 qyzmetkeri men 18 arnaýly tehnıkasy jumyldyrylǵan. 2 traktor órt taralýyn toqtatý úshin orman aýmaǵyn aınala jyrtyp júr.
Semeı qalalyq TJB garnızony qosymsha kúshter men qarajat jiberý qajettigin aıtyp dabyl qaǵýda.
Eske sala ketsek, buǵan deıin «Semeı ormany» tabıǵı rezervaty aýmaǵyndaǵy qaraǵaı ormany órtenip jatqanyn habarlaǵan bolatynbyz.
