ShQO-daǵy orman órti tolyqtaı sóndirildi
ÓSKEMEN. QazAqparat – Shyǵys Qazaqstan oblysynyń Besqaraǵaı aýdanyndaǵy qaraǵaıly ormanda shyqqan órt tolyq sóndirildi, dep habarlaıdy QazAqparat tilshisi.
Oblystyq TJD baspasóz qyzmetiniń málimetine súıensek, 30 sáýirde saǵat 10.10-da «Semeı ormany» memlekettik orman tabıǵı rezervaty aýmaǵyndaǵy orman órti sóndirilgen.
«Qazirgi ýaqytta órt aýmaǵynda arnaıy qurylǵan komıssııa músheleri tilsiz jaýdyń saldarynan keltirilgen materıaldyq shyǵyndy anyqtaýda. Qyzyl jalyn 3 948 gektar ormandy sharpyǵan. Órtti sóndirýge Shyǵys Qazaqstan jáne Aqmola oblystyq Tótenshe jaǵdaılar departamentteriniń, Ulttyq ulannyń 400-den astam adamy jumyldyrylǵan», - dep habarlady vedomstvo ókilderi.
Esterińizge sala ketsek, 23 sáýirde Shyǵys Qazaqstanda qaraǵaıly ormanynan órt shyqty. Kelesi kúni órtti sóndirý úshin Kókshetaýdan MI-26T úlken tikushaǵy jiberildi. 24 sáýirde órttiń orman aýmaǵynda taralýy toqtatylǵan edi.
