ShQO-daǵy meshitte vaktsınatsııa bólmesi ashylmaq
13 sáýir kúni Shyǵys Qazaqstan oblystyq «Halıfa Altaı» meshitiniń bas ımamy Ermek Muqataı men ShQO Bas memlekettik sanıtarlyq dárigeri Qanat Turdıev kezdesti. Bas ımam Ermek Muqataı koronavırýs ınfektsııasyna qarsy ekpe alǵan. Óz sózinde ol qasıetti Ramazan aıynda aýyz bekitken musylman qaýymyna vaktsına orazany buzbaıtynyn aıtty. Sondaı-aq dárýmender men qorektik qasıeti barlardy qospaǵanda emdeý maqsatynda qoldanylatyn ınektsııalarǵa ruqsat etilgen.
Qanat Turdıev karantın shekteýlerinde dinı birlestikter qyzmetine qoıylǵan talaptar týraly túsindirdi. Taraptar koronavırýs ınfektsııasy boıynsha epıdemıologııalyq jaǵdaıdy turaqtandyrý, halyqqa vaktsınatsııalaý týraly túsindirý jumystaryna tıimdi ózara is-qımyl jasap, kúsh-jigerdi biriktirý týraly ýaǵdalasty.
Bas ımam meshitte halyqqa juqpaly dertke qarsy ekpe salý úshin arnaıy vaktsınatsııa bólmesin ashýdy usyndy. Kezdesý sońynda sanıtarlyq-epıdemıologııalyq qyzmet pen meshit ókilderi ózara túsinistik pen yntymaqtastyq týraly memorandýmǵa qol qoıdy.
«Memorandým KVI profılaktıkasyn jetildirý boıynsha jaqsy nátıjelerge qol jetkizý úshin meshittiń múmkindikteri men resýrstaryn barynsha paıdalanýǵa baǵyttalǵan. Halyqty vaktsınatsııalaýǵa qatysty qoıylǵan maqsattar men mindetterdi oryndaý maqsatynda birlesip jumys isteýimiz kerek», - dedi Qanat Turdıev.
