ShQO-daǵy mektepte oqýlyq tapshylyǵy týyndaǵany týraly aqparat — jalǵan

ÓSKEMEN. QazAqparat – Shyǵys Qazaqstan oblystyq Bilim basqarmasy Ulan aýdanyndaǵy mektepte oqýlyq tapshylyǵy týyndaǵany týraly tarap jatqan aqparattyń shyndyqqa sáıkes kelmeıtindigin málimdedi, dep habarlaıdy QazAqparat tilshisi.

Áleýmettik jelide Ulan aýdany Almasaı aýylyndaǵy mektepte oqýlyq tapshylyǵy týyndaǵany týraly aqparat tarady. Onda bastaýysh synyptarǵa arnalǵan oqýlyqtardyń azdyǵy, kitaptardyń tek kópbalaly otbasylarǵa ǵana beriletini, qalǵandary óz betimen satyp alýǵa májbúr bolyp jatqany týraly jazylǵan.

Osyǵan oraı Shyǵys Qazaqstan oblystyq Bilim basqarmasy resmı málimdeme jasady. Basqarma mamandary atalmysh fakti boıynsha tekserý júrgizgen.

«Bul aqparat shyndyqqa sáıkes kelmeıdi. Ulan aýdanyndaǵy jalpy bilim beretin mektepterdiń kitaphana qorynda birinshi synyp oqýshylaryna arnalǵan qazaq tilinde oqytatyn 378 dana oqýlyq bar. Jańa 2022-2023 oqý jylynda birinshi synypqa 351 oqýshy qabyldanady dep josparlanýda. Barlyq birinshi synyp oqýshylary 100% oqýlyqpen qamtamasyz etiledi», - delingen aqparatta.