ShQO-daǵy Malevskıı kenishinen 165 adam qaýipsiz jerge kóshirildi - TJM
ASTANA. Jeltoqsannyń 9-y. QazAqparat - Seısenbi kúni Shyǵys Qazaqstan oblysyndaǵy Malevskıı kenishinde oryn alǵan tótenshe oqıǵaǵa baılanysty 165 adam qaýipsiz jerge kóshirildi,
dep habarlady QR TJM-nyń baspasóz qyzmeti.
«Jeltoqsannyń 8-i kúni saǵat 18.45-te №6 ken túsirgishinde, 12-14 gorızonttaǵy transportty eńiste tútindeý bolyp, 165 adam qaýipsiz jerge kóshirildi», dep atap ótti baspasóz qyzmeti.
Tehnologııalyq úderis 4 saǵatqa toqtap qaldy. Qurban bolǵandar men zardap shekkender joq, tútindeýdiń sebepteri anyqtalýda.
Tótenshe oqıǵany joıýǵa QR TJM-niń Zyrıandaǵy áskerılengen taýda qutqarý bólimi jeke quramynyń 23 adamy men 3 tehnıkasy jumyldyryldy.
