ShQO-daǵy qonys kolonııasynan qashqan jazasyn óteýshi RF Chelıabi oblysynda qolǵa tústi
ASTANA. QazAqparat - Keshe RF Chelıabi oblysy Zlotoýst qalasynda QR QAJ qyzmetkerleri 2014 jylǵy maýsymnan beri izdeýde júrgen jazasyn óteýshini ustady, dep habarlady QR ІІM QAJ komıtetinen.
«38 jastaǵy sottalýshy QR shekarasyn belgilengen qujatsyz ádeıi zańsyz kesip ótkeni úshin bir jyl merzimge jazasyn ótep jatqan. 2014 jylǵy maýsymnyń basynda óziniń erkin júrip-turý quqyn paıdalanyp, belgisiz baǵytqa jasyrynǵan», dep habarlady QR ІІM QAJ komıtetinen.
Sodan beri ol halyqaralyq izdeýde júrgen. Reseı ІІM qyzmetkerlerine qylmyskerdiń izine túsýdiń sáti tústi.
«Ony Qazaqstanǵa ekstradıtsııalaý máselesi halyqaralyq kelisimderge sáıkes sheshiledi», dep málim etti respýblıkalyq penıtentsıarlyq júıe vedomostvosynan.
