ShQO-daǵy qonaq úı qyzmetkerleriniń 70 paıyzy vaktsına alǵan
ÓSKEMEN. QazAqparat – Shyǵys Qazaqstan oblysyndaǵy qonaq úılerdiń qyzmetkerleri erikti túrde vaktsına alyp jatyr, dep habarlaıdy QazAqparat tilshisi.
Jazǵy týrıstik maýsymda demalýshylardyń basym bóligi qonaq úılerge keletini belgili. Osy rette ShQO týrızm jáne syrtqy baılanystar basqarmasy oblystyń qalalary men aýdandarynyń ákimdikterimen birlesip, týrısterdi ornalastyrý oryndarynyń qyzmetkerlerin kezeń-kezeńimen vaktsınatsııalaý boıynsha jumys júrgizýde.
«Respýblıka boıynsha qonaq úılerdiń eń qóbi – Shyǵys Qazaqstanda. ıAǵnı, kelýshilerdi ornalastyrýmen aınalysatyn 560 obekti bar. Іndetke qarsy vaktsına alýdyń aldyńǵy qatarynda týrızm qyzmetkerleri bolýy kerek. Koronavırýstan saqtanýdyń eń tıimdi joly ol – vaktsına alý. Osyǵan oraı kásipkerlerge yńǵaıly bolý úshin jumys ornynda kóshpeli mobıldi toptardyń jumysy uıymdastyryldy», - dedi ShQO Týrızm jáne syrtqy baılanystar basqarmasynyń basshysy Marat Qabaqov.
Qazirgi ýaqytta qonaq úılerdiń eńbek ujymy erikti túrde vaktsına ala bastady. Sebebi olar týrıstermen tikeleı baılanysta bolady. Ekpeniń birinshi kezeńin alǵan qonaq úı qyzmetkerleriniń sany 70 paıyzǵa deıin jetti.
