ShQO-daǵy kommýnaldyq mekeme káriz sýyn ózenge quıyp lastaǵan
ShQO Ekologııa departamenti baspasóz qyzmetiniń málimetine súıensek, turǵyndardan Beloýsovka kentindegi «Teploenergııa» KMK—niń tazartylmaǵan káriz sýy Glýbochanka ózenine quıylyp jatqandyǵy týraly shaǵym tústi. Soǵan oraı mekemege jospardan tys tekserý júrgizilgen.
«Nátıjesinde, shaǵymdaǵy aqparat rastaldy. Tazartý qurylǵylaryna jóndeý jumystarynyń júrgizilmeýi, kommýnaldyq mekemeniń nashar materıaldyq-tehnıkalyq jaraqtandyrylýy osyndaı jaǵdaıǵa ákelip soqqan. Glýbochanka ózenine quıylyp jatqan sýdan alynǵan synamany hımııalyq zertteý barysynda hlorıdter ruqsat etilgen shekti deńgeıden 1,4 ese, sýlfattar 1,5 ese, ammonıı tuzy 33 ese, nıtrıtter 4,4 ese jáne fosfattar 12,1 ese asyp ketkeni anyqtaldy», - delingen aqparatta.
Atalǵan buzýshylyqtardy joıý maqsatynda mekemege tazartý qurylǵylarynyń tehnıkalyq jaǵdaıyn baǵalaý jáne olqylyqtardyń ornyn tolyqtyrý boıynsha is-sharalar josparyn ázirleý qajettigi týraly uıǵarym shyǵaryldy.
