ShQO-daǵy qoǵamdyq qor halyqtyń quqyqtyq saýattylyǵyn arttyrýǵa úles qosýda
«Trınta» qoǵamdyq qory 2014 jyly qurylǵan. Qor músheleri birqatar baǵyt boıynsha jobalardy sátti júzege asyryp keledi. Atap aıtqanda, turǵyndardy tarta otyryp, aýmaqtardy damytý, jastarmen jumys isteý, ultaralyq kelisimdi nyǵaıtý jáne qazaqstandyq biregeılikti qalyptastyrý, «Halyq únine qulaq asatyn memleket» tujyrymdamasyn praktıkalyq iske asyrý úshin uıymdastyrýshylyq-ádistemelik jaǵdaılar jasaý jáne jergilikti deńgeıde bılik pen qoǵam arasyndaǵy dıalogty nyǵaıtý jónindegi sharalar keshenin iske asyrý, memlekettik baǵdarlamalardy ilgeriletý salasynda zamanaýı PR-tehnologııalardy qoldanýdy damytý jáne oqytý syndy jobalar iske asyrylǵan.
«Budan bólek, PR kompanııalary men buqaralyq is-sharalarǵa qatysatyn mamandarǵa arnalǵan kópsalaly oqytý kýrsy júrgizildi. Turǵyndardyń quqyqtyq saýattylyǵyn arttyrý úshin de tıisti jumys qolǵa alynǵan. Biz oblystaǵy úkimettik emes uıymdardyń, aýyl halqynyń memlekettik qoldaý ádisteri týraly aqparattanýyna qatysty taldaý da jasaımyz. Memleket pen úkimettik emes uıymdardyń birlese jumys isteý deńgeıin arttyrýǵa atsalysýdamyz», - delingen qor ókilderi taratqan aqparatta.
Qordyń memlekettik áleýmettik tapsyrys, memlekettik granttar aıasynda, sondaı-aq halyqaralyq jáne qazaqstandyq qorlardyń qoldaýymen respýblıkalyq jáne jergilikti jobalardy basqarý tájirıbesi bar. Qoǵam belsendileri, qalalar men aýyldardyń turǵyndary, úkimettik emes uıymdar, memlekettik organdar men bıýdjettik mekemelerdiń mamandary qorǵa habarlasyp, qajetti aqparat alyp, túrli jobalardy birlese iske asyra alady.
