ShQO-daǵy kitaphanada Balalar jyly aıasynda úzdik jas oqyrmandar marapattaldy
Óskemen qalasynda ornalasqan Oralhan Bókeı atyndaǵy kitaphanada balalarǵa arnalǵan «Jaz kitappen kóńildi» atty baıqaýdyń jeńimpazdary marapattaldy. Shara bıylǵy Balalar jyly aıasynda ótkizilip otyr. Balalardyń jazǵy demalysyn tıimdi ótkizý úshin kitap oqýǵa baıqaý jarııalanǵan edi. Sonyń qorytyndysy endi jarııa etildi.
Baıqaý jazǵy demalysynyń kóp ýaqytyn kitaphanada ótkizgen kishkentaı oqyrmandar arasynda boldy. Konkýrsqa barlyǵy 45 bala qatysty. Sonyń ishinde 4 bala jeńimpaz atandy. Baıqaýǵa qatysqan balalar shara barysynda ózderiniń kitap týraly oılaryn, pikirlerin ortaǵa saldy. Osy oraıda erekshe bir aıta ketetini, qalanyń eń jas qalamgeri Erke Erkinova óziniń «Terek mamyǵy» atty ertegi kitabiniń bir danasyn kitaphanaǵa tartý etti. Bıyl ol jeti jasqa tolyp otyr. Erke bul kitapty osy jyly jazǵan. Aldymen osy terek mamyǵy týraly zertteý júrgizgen.
«Qyzym mamyqtan bolǵan órt oqıǵalarynyń aldyn alý úshin «Terek mamyǵy» atty ertegini jazyp shyqty. Kitap eki qoıan týraly. Qoıandar mamyqty qyzyqtap, jaǵyp jibergen. Sonyń saldarynan tabıǵatqa zııan kelgen. Qyzym bes jasynan bastap kitap oqyp, ózi jumbaq qurastyryp, zerektik tanytty. Aldaǵy ýaqytta kitapty óńirdegi basqa da kitaphanalarǵa taratýdy josparlap otyrmyz», - deıdi anasy Aqmaral Ermekova.
Shara barysynda balalarǵa arnalǵan kitap kórmesi ashyldy. Kishkentaı oqyrmandar ózderiniń demalysta oqyǵan kitaptaryn áńgimelep, óleń oqydy. Baıqaýǵa kelgen oqýshylar Jibek matalar kombınaty yqsham aýdanyna úlken kitaphanynyń kerektigin de aıtyp qaldy.
«Baıqaý sońynda barlyq qatysýshyǵa arnaıy syılyqtar tabys etildi. Kitaphana – rýhanııat ordasy. Sondyqtan barlyqtaryńyzdy kitaphanada qosymsha bilim alyp, kitap oqýǵa shaqyramyz», - deıdi kitaphana qyzmetkeri Taýnar Qaıratuly.
