ShQO-daǵy keden beketterinde karantındik pýnktter jumys istep tur
ÓSKEMEN. QazAqparat – Shyǵys Qazaqstan oblysynda koronavırýstyń aldyn alý maqsatynda tıisti jumystar atqarylýda, dep habarlaıdy QazAqparat.
Búginde oblystaǵy sanıtarlyq qyzmet úsh baǵytta jumys isteýde. Birinshi baǵyt boıynsha shetelden kelgen azamattarǵa arnaıy monıtorıng jasalyp otyr. Ekinshi baǵytqa sáıkes Baqty men Maıqapshaǵaı keden beketterinde sanıtarlyq-karantındik posttar qurylǵan. Bul týraly ShQO Aımaqtyq komýnıkatsııalar qyzmetinde ótken baspasóz brıfıngi barysynda oblystyq taýarlar men kórsetiletin qyzmetter sapasyn baqylaý departamentiniń basshysy Nurlanǵazy Ibraev málim etti.
«Koronavırýstyq ınfektsııaǵa qarsy dári-dármek qory ázirlengen. Sondaı-aq statsıonarlarda saqtyq sharalaryn kúsheıtý maqsatynda ınfektsııalyq tósekter daıyn tur. Óńir boıynsha koronavırýs juqtyrý faktisi tirkelgen joq», - dedi ol.
Elimizde jarııalanǵan tótenshe jaǵdaıǵa baılanysty oblystyń bas sanıtar dárigeri aımaqtaǵy barlyq aýdanda arnaıy komıssııa qurǵan. Budan bólek óńir turǵyndarynyń jumys ýaqytyna ózgerister engizildi.
