ShQO-daǵy Katonqaraǵaı aýdanynda ulttyq sport túrleri damytylýda
Bul týraly aýdan ákimi Dildar Qalıqan «Memleket basshysynyń tapsyrmalary sheńberinde Katonqaraǵaı aýdanynyń áleýmettik-ekonomıkalyq damýy» taqyrybynda ótken baspasóz konferentsııasynda málimdedi.
«Aýdan boıynsha birqatar sport ǵımaratynyń qurylysy júrgizilýde. Ótken jyly Katonqaraǵaı aýylyndaǵy «Altaı» sport kesheni tolyqtaı kúrdeli jóndeýden ótken. Bul maqsatta 92 mln teńge bólingen edi. Onda boks, erkin kúres, dzıýdo zaldary ashyldy. Sondaı-aq bıyl atalǵan aýylda basseın salynyp jatyr», - deıdi ol.
Dildar Qalıqannyń aıtýynsha, halyqtyń qaı sportqa degen qyzyǵýshylyǵy bar, sporttyń qaı túri jaqsy damyp kele jatqandyǵyn anyqtaý úshin ár aýylda zertteý júrgizildi. Soǵan oraı, ákimdik tarapynan qajetti qoldaý kórsetilip, aýdan kóleminde túrli saıystar ótkizilýde.
«Ulttyq sport ta nazardan tys qalǵan joq. Atyn sportyn, aýdaryspaqty odan saıyn damytýdy kózdep otyrmyz. Aýdanymyzdy aýdaryspaq boıynsha óńirdegi eń aldyńǵy qatarǵa kótergimiz keledi», - deıdi aýdan ákimi.