ShQO-daǵy Katonqaraǵaı aýdanynda týrıstik jobalar iske asyrylmaq
Bul týraly jumys saparymen Katonqaraǵaı aýdanynda bolyp, Órel aýylynda halyqpen kezdesken oblys ákimi Danıal Ahmetov aıtty.
«Aýdannyń áleýmettik-ekonomıkalyq damý qarqyny jaqsy. Biz óz tarapymyzdan turǵyndardyń ómir sapasyn jaqsartýǵa yqpal etetin kóptegen jobaǵa qoldaý bildirýge daıynbyz. Aýdanda týrıstik baǵytqa basymdyq berilgeni belgili. Osy rette birneshe kásipker medıtsınalyq, aýyldyq jáne arheologııalyq týrızmdi damytýǵa granttar aldy. Óz aýdanyn damytýǵa kúsh pen qarajat salatyndarǵa qoldaý kórsetýdi aldaǵy ýaqytta da jalǵastyramyz», - dedi aımaq basshysy.
Sondaı-aq, ShQO ákimi aýdandaǵy týrıstik-aqparattyq ortalyqqa bardy. Bul jerde jergilikti kásipkerlerdiń saýda núktelerin ornalastyrý qajet. Sebebi, ol bos turmaı, kásipkerler bıznesin damytatyn alańǵa aınalýy tıis.
«Katonqaraǵaı aýylynda sport kesheni qurylysynyń barysymen tanystym. Jobany merziminde aıaqtaý úshin qosymsha kúsh tartý qajet. Úlken Naryn aýylyndaǵy dene shynyqtyrý-saýyqtyrý keshenine keletin bolsaq, onyń janynda basseın salynyp jatyr. Bul – óte durys sheshim. Jalpy, nysandardyń sapasyna basa nazar aýdarý kerek», - dedi Danıal Ahmetov.
