ShQO-daǵy kásiporyn vaktsına alǵan jumysshylaryna aqshalaı sertıfıkat berip jatyr

ÓSKEMEN. QazAqparat - Shyǵys Qazaqstan oblysyndaǵy kásiporyndardyń biri vaktsına alǵan jumysshylaryna aqshalaı sertıfıkattar berýde, dep habarlaıdy QazAqparat tilshisi.

COVID-19 vaktsınatsııasynyń tolyq kýrsynan ótken KAZ Minerals toby kompanııasynyń qyzmetkerleri 30 myń teńge somasyna turmystyq tehnıka dúkeniniń sertıfıkatyn alyp jatyr. Bundaǵy maqsat - halyqtyń jappaı vaktsınatsııalanýyn qoldaý. Aktsııa osy jyldyń 31 tamyzyna deıin jalǵasady.

Vaktsınanyń eki komponentin de alatyn kásiporynnyń barlyq qyzmetkerlerine qolynda vaktsınatsııa pasporty bar bolsa, osyndaı sertıfıkat beriledi. Oǵan turmystyq tehnıkalar dúkeninen unaǵan taýaryn satyp ala alady«, – dedi KAZ Minerals toby Korporatıvtik baılanystar departamentiniń menedjeri Ermek Dúzkenev.

Esterińizge sala ketsek, osyǵan deıin ShQO-daǵy taǵy bir kásiporynnyń vaktsına alǵan jumysshylaryna demalys ornyna joldama berip jatqanyn habarlaǵan edik.