ShQO-daǵy ftızıopýlmonologııa ortalyǵynda jyl saıyn 400-ge jýyq operatsııa jasalady
ÓSKEMEN. QazAqparat – Shyǵys Qazaqstan oblystyq ftızıopýlmonologııa ortalyǵynda jyl saıyn 400-ge jýyq operatsııa jasalady, dep habarlaıdy QazAqparat tilshisi.
«Áleýmettik medıtsınalyq saqtandyrý qory» KEAQ ShQO boıynsha fılıalynyń baspasóz qyzmetiniń málimetine súıensek, týberkýlezdi emdeýde hırýrgııalyq ádistiń mańyzy zor. Keıde bul - aýrýdan saýyǵyp shyǵýdyń jalǵyz joly bolady. Oblystyq ftızıopýlmonologııa ortalyǵynda jyl saıyn týberkýlezdi dıagnostıkalaý jáne emdeý úshin 400-ge jýyq hırýrgııalyq operatsııalar men manıpýlıatsııalar jasalady.
Ortalyq hırýrgtary tek ókpe týberkýlezin ǵana emes, sonymen qatar teri, ishek týberkýlezine sátti ota jasaı biledi. Sońǵy bes jylda týberkýlezdi dıagnostıkalaý jáne emdeý úshin qaqyryqty zertteýdiń jańa ádisteri engizildi.
40 jyl osy salada ter tógip kele jatqan Saǵı Qojabaev ota ústelinde myńdaǵan saǵatyn ótkizip, júzdegen adam ómirin saqtap qalǵan. Ortalyq hırýrgteri Bolat Eńshibekov, Rasýl Qadyruly, Ernur Bazarov onyń shákirtteri. Sondaı-aq 20 jyldan astam ýaqyt boıy Gúlmıra Toqtarhanova men Láılá Bákisheva ftızıopýlmonologııalyq ortalyqtyń terapevtik bóliminde naýqastardyń ómiri men densaýlyǵy úshin kúresip keledi», - delingen habarlamada.
